Lənkəranda yeni bir layihə fəaliyyətə başlayıb.

Axar.az xəbər verir ki, Feysbuk sosial şəbəkəsində cənub şəhərində kitab oxumaq istəyənlərə xidmət edəcək "Lənkəran kitabsevərləri" səhifəsi açılıb.

Sovet dövründən sonra regionlarda kitab satılan mağazalar, klublar öz fəaliyyətini demək olar ki, dayandırıb. Odur ki, kitabı sevdirmək, təbliğat etmək işinə indi virtual imkandan istifadəyə qərar verilib.

Səhifənin qaydasına görə, oxuculardan kim hansı müəllifin əsərini əldə etmək istəyirsə, bu internet resursuna təklif göndərir.

Səhifənin məlumat bölümündə qeyd olunub ki, məqsəd Lənkəran və ətraf rayonlarda kitabları daha geniş şəkildə təbliğ etmək, insanlarda kitaba maraq oyatmaqdır.