Bakı bazarlarında göyərti tapmaq mümkün deyil.

Axar.az xəbər verir ki, son günlər bazarlarda bir çox tərəvəz məhsulları ilə yanaşı göy-göyərti də qəhətə çəkilib. Həftə ərzində Bakıda ancaq şənbə və bazar günlər təşkil edilən yarmarkalara gətirilən göyərti məhsulları satılır. Bu isə tələbatı tam ödəmir.

Satıcılar bildirir ki, son günlər bölgələrdən gətirilən göyərtinin həcmi olduqca azalıb. Onların fikrincə, son günlər Rusiyaya idxal edilən tərəvəz məhsullarının artması yerli bazarda boşluq yaradıb:

"Əksər tərəvəz məhsullarının qiymətinin artmasına da səbəb budur. Məhsul az olduğundan baha qiymətə satmalı oluruq. Pomidor, lobyanın da qiyməti artıb. Göyərti isə ümumiyyətlə yoxdur. Yarmarkalardan alıb satırıq. O da elə bircə günə qurtarır".