Jurnalistlər üçün tikilən yeni binanın yarısı hazırdır.

Axar.az-ın əməkdaşı Səbail rayonu, 20-ci sahə ərazisində inşa edilən binada olub. Müxbirimiz öyrənib ki, gələn il Mətbuat Gününə qədər yaşayış binası tam hazır olacaq. Hazırda 9-cu mərtəbəyə qədər tikilən göydələndə işlər sürətləndirilib.

Ehtiyacı olan jurnalistlərə dövlət tərəfindən mənzillərin paylanması 2015-ci ildə də həyata keçiriləcək. Yeni bina da jurnalistlərə hədiyyə edilən əvvəlki bina ilə yanaşıdır. Bu binaların önündəki açıq yerdə isə avtomobil təlimi üçün yer tikilir.

Xatırladaq ki, Prezident İlham Əliyevin jurnalistlərin mənzil-məişət məsələsinin həll edilməsi üçün imzaladığı sərəncama əsasən, Səbail rayonunun Bibiheybət qəsəbəsində KİV işçiləri üçün 17 mərtəbəli yaşayış evi tikilib. 2013-cü ildə həmin ərazidə tikilən 156 mənzilli bina istifadəyə verilib və jurnalistlərə təmənnasız olaraq təqdim edilib.