Ana səhifə Toplum |
"Əsrin müqaviləsi"nin imzalanmasının 20 illiyi münasibətilə 20 sentyabr 2014-cü il tarixdə 26 nəfər vətəndaş ədliyyə orqanlarında qulluğa qəbul olunaraq Penitensiar xidmətdə kiçik rəis heyətində vəzifələrə təyin ediliblər.
Axar.az xəbər verir ki, bu gün Ədliyyə nazirinin müavini, Penitensiar xidmətin rəisi ədliyyə general-leytenantı Mədət Quliyev qulluğa yeni qəbul olunmuş əməkdaşları qəbul edib. Nazir müavini xidmətə qəbul edilən gəncləri Ədliyyə Naziri, I dərəcəli dövlət ədliyyə müşaviri cənab Fikrət Məmmədovun adından təbrik edərək, onlara seçdikləri şərəfli işdə uğurlar arzulayıb.
Ədliyyə orqanlarında qulluğa yeni qəbul olunmuş gənc əməkdaşlar Penitensiar xidmətin tarix muzeyində olublar. Muzeyin Heydər Əliyev guşəsində Ümummilli Liderin həyat və fəaliyyətini, onun müasir Azərbaycanın inkişafı uğrunda əldə etdiyi nailiyyətləri əks etdirən fotoşəkillərlə, həmçinin xidmətin fəaliyyətinə aid olan eksponatlarla tanış olublar.
Tarix
2014.09.22 / 15:44
|
Müəllif
Nigar İxtiyarqızı
|