Ana səhifə Toplum |
Macarıstanda keçirilən Turan Qurultayı çərçivəsində millət vəkili Qənirə Paşayeva Makedoniya Elmlər Akademiyasının professoru Numan Arucun rəhbərlik etdiyi nümayəndə heyətinin üzvləri və Koreyadan türk dünyasının dostları olan ziyalılar ilə görüşüb və geniş fikir mübadiləsi aparılıb.
Axar.az xəbər verir ki, onlara Azərbaycandan danışan millət vəkili Qənirə Paşayeva türk dünyanıın güclənməsində aydınlarımızın, şair, yazar, sənət adamlarımızın da üzərinə böyük vəzifələr düşdüyünü vurğulayıb, onları ölkəmizə dəvət edib.
Millət vəkili görüşlər zamanı Azərbaycanın və türk dünyasının ən böyük problemlərindən olan Qarabağdan, Ermənistanın Azərbaycan torpaqlarının 20 faizini işğal altında saxlamasından da danışıb, geniş məlumatlar verib və Qarabağ həqiqətlərinin yayılmasında onları daha fəal olmağa çağırıb.
Görüşlərdə Regional Hüquqi və İqtisadi Maarifləndirmə İB-nin sədri Arzu Bağırova, tibb elmləri doktoru Məlahət Qəhrəmanova, iş qadını Pərvanə Mustafayeva da iştirak edib.
Tarix
2018.08.19 / 21:12
|
Müəllif
Axar.az
|