Həbsxanada cəza çəkən atasına spirtli içki aparmaq istəyən şəxs tutulub.

Axar.az xəbər verir ki, Şəki Penitensiar müəssisəsinə qadağan olunmuş əşya keçirmək cəhdinin qarşısı alınıb. Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində Şəki Penitensiar müəssisəsində cəza çəkən, azadlıqdan məhrum edilmiş məhkum Mustafa Hacıyevin yanına görüşə gəlmiş oğlu Elvin Hacıyevin üzərinə və əşyalarına baxış keçirilib.

Baxış zamanı oğlunun gətirdiyi sovqatın içərisindən bir ədəd "Qax" suyu qabına gizli yolla doldurulmuş spirtli içki – araq aşkar edilərək götürülüb.

Fakt üzrə araşdırma aparılır.