Ağdam rayon sakini tüfənglə iki həmyerlisini güllələyib.

Axar.az xəbər verir ki, hadisə ötən gecə Binəqədi rayonu ərazisində baş verib. Binəqədi rayonu A.Gəraybəyli küçəsində Ağdam rayon sakini Hicran Səfərov münaqişə zəminində ov tüfəngindən atəş açaraq həmyerliləri Rövşən Əliyevi və onun oğlu Ayxan Əliyevi ayaq nahiyələrindən yaralayıb. Hadisəni törətdikdən sonra H.Səfərov hadisə yerini tərk edərək qaçıb. Hər iki yaralı dərhal xəstəxanaya yerləşdirilib.

Hadisə yerində axtarış zamanı polis 2 ədəd giliz tapıb.

Binəqədi RPİ tərəfindən əməliyyat-axtarış tədbirləri aparılır.