Ana səhifə Toplum |
Oktyabr ayında müşahidə edilən hava bu ay üçün tam olaraq xarakteristikdir. Temperatur daxil olmaqla, yağıntının miqdarı da norma daxilindədir.
Bu sözləri Axar.az-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova oktyabrda müşahidə edilən hava ilə əlaqədar danişarkən bildirib.
Onun sözlərinə görə, oktyabr ayı adətən yağıntılı olur:
“Əvvəlcədən proqnozlaşdırılmışdı ki, oktyabrda havanın orta aylıq temperaturu iqlim normasına yaxın, bəzi yerlərdə isə bir qədər yüksək olacaq. Eynən bu şəkildə də hava müşahidə edilir.
Oktyabr ayı adətən yağıntılı olur və bu da aya xas xüsusiyyətdir. Ay başlayandan fasiləsiz yağıntı qeydə alınmayıb. Bir neçə günlük davam edən yağıntı olub ki, bu da normaldır”.
G.Məmmədovanın sözlərinə görə, Bakıda və Abşeron yarımadasında havanın orta aylıq temperaturunun 16-18° isti olacağı proqnozlaşdırılmışdı:
“Hərarətin gecələr 12-17°, gündüzlər 19-24° isti, bəzi günlərdə isə 26-29° isti olacağı haqda məlumat verilmişdi. Özünüz də görürsünüz ki, əvvəldən bildirilən temperaturla müşahidə olunan temperatur arasında kəskin fərq yoxdur.
Xüsusilə Bakı və Abşeron yarımadasında aylıq yağıntının miqdarı isə iqlim normasına yaxındır”.
Tarix
2018.10.19 / 12:02
|
Müəllif
Nigar İxtiyarqızı
|