İsmayıllı rayonunun kəndlərinin birində 16 yaşlı məktəbli qız qaçırılıb.

Axar.az Publika.az-a istinadən xəbər verir ki, qızın kim tərəfindən qaçırıldığı bəlli deyil.

Məlumata görə, bu gün onun nişanı olacaqmış. Qız nişanından bir gün əvvəl qaçırılıb.

Kənd sakinlərinin sözlərinə görə, dünən səhər saat 11 radələrində evlərində nişan hazırlığı görülərkən qız qonşuluqdakı bacısıgilə qab gətirməyə gedib. Bir neçə saat keçsə də, o qayıtmayıb. Anası digər qızı ilə əlaqə saxlayıb, onlara getmədiyi məlum olub.

Ailə polisə müraciət edib. Bir neçə saat sonra qız özü ailəsi ilə əlaqə saxlayıb və könüllü qaçdığını deyib. O, Qəbələ rayonundan olan sevdiyi oğlanla qaçdığını, oğlanın ailəsinin bu izdivaca razı olduğunu deyib.

Sakinlər deyir ki, qızın anası onu oğlana məcbur verirmiş.

Hazırda polis qızın axtarışını davam etdirir.