AKP-də rəqqasə skandalı istefalarla nəticələnib. Partiyanın Çorum şəhər başqanı Əhməd Sami üç nəfəri təşkilatdan qovub. Çorumun İskilip bölgəsində təşkilatın regional seçkisinin nəticələrini əyləncə məkanında qeyd edən üç AKP-li məclis üzvlüyündən çıxarılıb.

Axar.az xəbər verir ki, Ə.Sami keçirdiyi mətbuat konfransında baş verənlərdən danışıb. Onun sözlərinə görə, seçkinin nəticələrini rəqqasə oynatmaqla qeyd edənlər partiyadan xaric olunub:

"Bu mövzuda uzun-uzadı spekulyasiyalar etməyə ehtiyac yoxdur. Vəzifədə olduğum müddətdə partiyanın adına ləkə gətirən hallarla bağlı hər zaman tədbir görüləcək. Bu şəxslər həm partiyadan, həm bələdiyyə məclis üzvlüyündən istefaya göndərilib".

AKP-nin İskilip bələdiyyə başqanı Rəcəb Çatma isə görüntüləri sosial şəbəkələrdə yayanları təhdid edib: "Şantajlara boyun əyməyəcəyik. Bu fotolar montajdır. Hüquqi müstəvidə müdafiəyə başlayacağıq. Bölgənin sabitliyini heç kim poza bilməz".