"Azərbaycan çempionatına tez uyğunlaşdım. İlk vaxtlar yaxşı maaşım vardı. Hətta ayın ən yaxşı oyunçusu da seçildim".

Qola.az xəbər verir ki, bu sözləri "Bakı"nın sabiq oyunçusu Marius Pena Rumıniyanın "Fanatik" nəşrinə müsahibəsində deyib. Rumıniyalı futbolçu deyib ki, Azərbaycan Premyer Liqasıda uğurlu çıxış etdiyi bir vaxtda zədə alıb, sonra komandada baş məşqçi dəyişikliyi olub:

"Yeni məşqçi mənə etimad göstərmədi. Legionerlərə Azərbaycanda güclü təzyiq var. "Xəzər Lənkəran"la oyundan sonra çoxlu tənqid olundum".

Pena etiraf edib ki, Azərbaycanda karyerasının zirvəsində olan legioner futbolçular oynamırlar:

"Yalnız karyerasında çətin günlər keçirən əcnəbi futbolçular bu ölkəyə gedirlər. Azərbaycanda futbola yaxşı sərmayə qoyulub. Mən "Bakı"nın sahibini görməmişəm. O, az halda bizim hər oyuna gələrdi. Gələndə isə onun üçün ayrılmış skayboksda otururdu".

Marius Pena 2013-14 mövsünda "Bakı"da çıxış edib. O, 30 oyunda 6 qol vurub. Qeyd edək ki, hazırda Rumıniyanın "Konkordia" klubunda çıxış edir.