Şahdağ Qış-Yay Turizm Kompleksində növbəti dəfə yarış keçiriləcək.

Axar.az xəbər verir ki, "Red Bull Şah Karpet" idman yarışının fevralın 8-də keçirilməsi gözlənilir.

"Xalçaların şahı" adlanan müsabiqədə maskarad kostyumu geyinmiş iştirakçılar iştirak edəcək. Onlar dağdan eniş üçün istənilən qurğularla 80 metr uzunluğu və sonu 80 santimetr kiçik tramplin hündürlüyündən ibarət olan məsafəni qətt edəcək və sonda soyuq suyla dolu hovuza enəcəklər. İştirakçıların müsabiqə üçün xüsusi olaraq yaratdıqları əsas element isə – xalça olacaq.

Qeyd edək ki, qeydiyyatdan keçmək üçün iştirakçılar komandanın yaradıcı konsepsiyasını fikirləşməli, xalçanın köməyi ilə sürüşmə üçün qurğunu düzəltməli, orijinal ad fikirləşməli və uyğun olan şən kostyumları hazırlamalıdırlar. Müsabiqədə iştirak üçün 20 ən yaradıcı komanda seçiləcək. Artıq 15 komanda qeydə alınıb.

Münsiflər heyətinin üzvləri qalibləri üç meyar üzrə müəyyən edəcəklər: ən yaxşı tullanma, kostyumların və çıxışın kreativliyi, tamaşaçı simpatiyası.