Ölkədə mobil telefon satışı ilə məşğul olan şirkətlərdə vəziyyət get-gedə pisləşir.

Axar.az xəbər verir ki, son bir neçə gündə bütün növ mobil telefonların qiymətində 25-30 faiz ucuzlaşma müşahidə olunub.

Bir müddət öncə paytaxt mağazalarında 899-1299 manata satılan "Ayfon-6" mobil telefonu birdən-birə 599 manata düşüb. Digər növ telefonlarda da azalmalar var: "Samsunq Qalaksi Alfa" 600 manatdan 499 manata, "Bləkberi Pasport" 800 manatdan 600 manata enib.

Qiymətlərdə gözə çarpan bu endirim yalnız ABŞ və Avropada istehsal olunan mobil telefonlara aiddir. Çin və Şərqi Asiyada istehsal olunan telefonların qiymətində dəyişiklik yoxdur.