Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Yanvar 2020

Axar.Az Logo carnation



Şəhid polkovnikin xanımı müraciət yaydı: Adına yaraşmayan...

Ana səhifə Toplum
12 Punto 14 Punto 16 Punto 18 Punto

Aprel döyüşlərində şəhid olmuş polkovnik-leytenant Raquf Orucovun həyat yoldaşı, “Zəfər” Şəhid Ailələrinə Dəstək İctimai Birliyinin sədri Sevinc Alızadə mediaya müraciət ünvanlayıb.

Axar.az xəbər verir ki, S.Alızadə medianı şəhid ailələrinin ailə problemini ictimai müzakirə mövzusuna çevirməməyə çağırıb:

“Bizlər ən əziz, yaxın, doğma insanlarımızı vətənimizin bütövlüyü, azadlığı uğrunda fəda etmiş ailələrik. Güman edirəm ki, sizə, mediada və KİV-də yayılan bəzi xoşagəlməz informasiyalar barədə irad bildirməyə mənəvi haqqımız var.

Biz Azərbaycan gəncliyinə, övladına hər zaman və hər yerdə şəhidlərimizi və onların döyüş yolunu nümunə göstəririk. Şəhidlərimizin uğrunda canlarını fəda etdikləri dəyərləri yaşadır və təbliğ edirik. Çox istərdik ki, bu müqəddəs dəyərləri təbliğ etməkdə bizim arxamızda olasınız. Cəmiyyəti düzgün və sağlam informasiya ilə təmin etməkdə yardım edəsiniz.

Lakin bəzi KİV-lər sosial şəbəkələrdə bizim müqəddəs bildiyimiz dəyərlərimizi müzakirə obyektinə çevirərək, şəhid adına yaraşmayan ailə-məişət problemlərini gündəmə gətirir və geniş müzakirə mövzusuna çevirir. Xatırladım ki, şəhid ailələrinin daxili ailə problemi ictimai müzakirə mövzusu ola bilməz! Bu zaman biz cəmiyyət olaraq dəyərlərimizə və sayğı duyduğumuz insanlara inamı itirəcəyik”.

S.Alızadə bildirib ki, əsas müzakirə edilən mövzu Qarabağ olmalıdır:

“Gəlin qəhrəmanlarımızı təbliğ edək, onların uğrunda can verdikləri vətənimizi tanıdaq, Azərbaycanımızı 30 ildir didib-parçalayan Qarabağ problemini gündəmdən düşməyə qoymayaq.

İnanıram ki, müraciətimizə diqqət və sayğı ilə yanaşacaqsınız”.

Qeyd edək ki, bir neçə gündür şəhid pilotumuz Təbriz Musazadənin ailəsində olan bəzi məişət məsələləri arzulanmayan səviyyədə sosial şəbəkələrdə müzakirəyə çıxarılıb.

Tarix
2020.01.13 / 13:47
Müəllif
Büllurə Yunus
Şərhlər
Digər xəbərlər

İlham Əliyev Şəhidlər xiyabanında

Kirayə yolla satılan mənzillərin - Qiyməti

Prezident: Bu, qəhrəmanlıq səhifəsidir - Foto

"Yerusəlim Post" Qara Yanvardan yazdı - Dönüş nöqtəsi

İranda daha bir azərbaycanlı qadın... - Məhkəmə

Mehriban Əliyevadan 20 Yanvarla bağlı - Paylaşım

Paşayeva Tovuzda 20 Yanvar tədbirinə qatıldı - Foto

Qanlı yanvar: 30 il ötdü - Foto

20 Yanvar gerçəkləri: Bakı bu addımı ata bilər

Nərmin olayı: Əsl qatil tutulub, yoxsa?.. – Həsənquliyev

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla