Əməkdar artist Aybəniz Haşımova mərhum həyat yoldaşı Xalid Quliyevi doğum günündə xatırlayıb.

Kult.az xəbər verir ki, sənətçi sosial media hesabında Xalid Quliyevlə bağlı video paylaşaraq onunla bağlı duyğularını ifadə edib.

Müğənni paylaşımında illər keçməsinə baxmayaraq bəzi insanların xatirəsinin yaddaşlardan silinmədiyini və ayrılığın ağrısının zamanla dəyişmədiyini vurğulayıb:

“İllər öncə bu gün dünyaya gəlmişdi… Bu gün isə onu xatırlayan ürəklər var, hələ də unutmayıblar, hələ də darıxırlar. Bəzi insanlar həyatdan gedirlər, amma xatirələri ürəkdən heç vaxt getmir. Bəzi ayrılıqların isə illəri keçsə də, ağrısı dəyişmir… Səni məndən alan dünya…”.

Qeyd edək ki, Xalid Quliyev Qarabağ müharibəsində şəhid olub. Aybəniz Haşımovanın onunla nikahından Aynişan adlı qızı var.