111 saylı Zaqatala- Balakən seçki dairəsindən lider olan Kamilə Əliyevanın 2 məntəqədən topladığı səslər ləğv edilsə də, bu, ümumi nəticəyə təsir etməyəcək.

Axar.az xəbər verir ki, K.Əliyeva seçkidə ümumilikdə 44 məntəqədən 7984 səs toplayıb. Onu siyahıda yığdığı səslərə görə izləyən əsas rəqibi Rəhman Rəsulzadə isə K.Əliyevadan 2 dəfə az səs toplaya bilib. R.Rəsulzadəyə gələn ümumi səsin sayı 3996 olub.

İki məntəqənin nəticələrinin ləğv edilməsi isə heç bir halda K.Əliyevanın liderliyini əlindən almır. Hətta K.Əliyevanın ən yüksək səs topladığı (birindən 573, digərindən 666 səs) iki məntəqənin nəticələri də ləğv edilsə, bu, ümumi nəticəyə təsir etmir.

Belə ki, K.Əliyeva dairə üzrə liderliyini yenə də qorumuş olur.

Xatırladaq ki, 111 saylı Zaqatala- Balakən seçki dairəsi üzrə 2 məntəqə hesabat verməyib. Bu səbəbdən məntəqələrin nəticəsi müvafiq dairə seçki komissiyaları tərəfindən ləğv edilib.