"Bakıya "Qəhrəman şəhər" adının verilməsi ilə bağlı iki gün öncə Milli Məclisdə hörmətli həmkarım Yevda Abramov tərəfindən məsələ qaldırıldı".

Axar.az xəbər verir ki, bu açıqlama ilə millət vəkili Fazil Mustafa çıxış edib.

Deputat tarixi haqsızlığın aradan qalxması və Bakıya "Qəhrəman şəhər" adının verilməsi üçün Rusiyaya müraciət edəcəklərini açıqlayıb:

"Yevda müəllim təklif etdi ki, ona olan müraciətlər əsasında Rusiya Dövlət Dumasına rəsmi məktub göndərək ki, bu tarixi haqsızlığı ortadan qaldırsınlar. Bu ideya Milli Məclisin həmin iclasına sədrlik edən hörmətli Ziyafət Əsgərov tərəfindən də dəstəkləndi və bildirdi ki, bu barədə rəhbərlik səviyyəsində Rusiya Dövlət Dumasının rəhbərlərinə müraciət edilib. O zaman söz alaraq bildirdim ki, bu çox ciddi bir siyasi səhvdir, çünki biz müstəqil dövlətik, Bakı da Rusiyanın hansısa şəhəri deyil, müstəqil Azərbaycan dövlətinin paytaxtıdır. Rusiyaya müraciət edəcəyik ki, xahiş edirik, bizim paytaxtımıza "Qəhrəman şəhər" adı verin? Azərbaycanın şəhərinə hansısa adı vermək Milli Məclisin işidir, ona görə də bu təklifi Azərbaycan dövlətçiliyi üçün zərərli hesab edirəm".