Şotlandiyada təhsil alan azərbaycanlı gənclər Xocalı faciəsini dünyaya tanıtmaq üçün yürüş ediblər.

Bu barədə Axar.az-a yürüşü təşkil edən gənclər özləri məlumat veriblər. Təşkil edilən yürüşdə "Qlazqo" Universitenin 20-yə yaxın tələbəsi iştirak edib. Şəhərin mərkəzi keçələrində 1 saat davam edən yürüşdə "justice for Xocali" (Xocalıya ədalət) şüarları səslənib.

Gənclərin verdiyi məlumata görə, yürüşə maraq göstərən yerli camaat da yaxından maraqlanıb və gənclərə dəstək veriblər. Yürüşə qatılan yerli sakinlərə bu faciə haqqında məlumatlar da verilib.

Qeyd edək ki, gənclərin yürüşünün təşkil edilməsində Azərbaycanın şotlandiyadakı səfirliyi də köməklik göstərib.