Hesablama Palatası Kollegiyasının növbəti iclası keçirilib.

Axar.az xəbər verir ki, kollegiya iclasında bir sıra nəzarət tədbirləri üzrə proqramlar təsdiq olunub. Qurum dövlət büdcəsinin dövlət xidmətləri, dövlət əsaslı vəsait qoyuluşu və ehtiyat fondlarından Xətai rayon İcra Hakimiyyətinə ayrılan vəsaitlərin istifadəsinə dair nəzarət tədbirlərini həyata keçirəcək.

Eyni yoxlamalar Xızı rayon İcra Hakimiyyətində də aparılacaq. Həmçinin, Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin Qaradağ rayon Mərkəzi, Naxçıvan şəhər Mədəniyyət və Turizm Nazirliyi aparatının və nazirliyin mərkəzləşdirilmiş hesabatlığından maliyyələşən təşkilatların saxlanılmasına ayrılan vəsaitlərin istifadəsinin və büdcədənkənar vəsaitlərin icrasına dair tədbirlər görüləcək.