Samuxda dəmir yolunun relslərini oğurlayan şəxs saxlanılıb.

Axar.az Daxili İşlər Nazirliyinin rəsmi saytına istinadən xəbər verir ki, Daşkəsən rayon sakini Fəxrəddin Nağıyev Samux rayonunun Alabaşlı dəmir yolu stansiyasının ərazisində 14 ədəd rels altlığını oğurlayıb.

Baş Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində F.Nağıyev tutulub.

***

Paytaxt polisi isə avtomobildən oğurluq edən şəxsi saxlayıb. Martın 14-də Qaradağ rayonunun Lökbatan qəsəbəsində yerləşən ticarət mərkəzində Bakı sakini Ramin Şərifova məxsus "Hunday" markalı avtomobildən şüşəni sındırmaq yolu ilə 600 manat, mobil telefon və sənədlər oğurlanıb.

Bakı Şəhər Baş Polis İdarəsinin Təhlükəsiz Şəhər Xidməti və Qaradağ RPİ 10-cu PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Binə qəsəbə sakini, əvvəllər məhkum olmuş Əli Allahverdiyev tutulub.