12:01

Dağlıq Qarabağın azərbaycanlı icmasının sədri, deputat Tural Gəncəliyev Dağlıq Qarabağda keçirilən saxta seçkiləri təbrik edən Kanada parlamentinin deputatı Reyçl Harderə etiraz məktubu göndərməsindən danışıb.

Axar.az xəbər verir ki, bunu T.Gəncəliyev Milli Məclisin növbədənkənar iclasında çıxışı zamanı deyib.

“Araşdırma nəticəsində həmin deputatın köməkçisinin erməni əsilli Kanada vətəndaşı olduğu ortaya çıxıb. Görünən odur ki, köməkçisi həmin deputata saxta məlumatlar verib”, - Gəncəliyev bildirib.

Tural Gəncəliyevin sözlərinə görə, Harder Kanadanın Xarici İşlər Nazirliyinin rəsmi mövqeyi ilə tanış olmalıdır:

“Çünki Kanada birmənalı olaraq Dağlıq Qarabağ məsələsində Azərbaycanın haqlı mövqeyini dəstəkləyir”.