Bakıda orijinal aksiya keçiriləcək.

Axar.az xəbər verir ki, qlobal aksiyanın iştirakçıları özləri ilə fənər, alışqan götürərək saat 20:00-da Azadlıq meydanında toplaşacaqlar. Bir saat ərzində - saat 20:30-dan 21:30-dək Hökumət evinin və "Marriott Absheron" otelinin fasadının işıqlandırılması dayandırılacaq.

Bundan başqa, "Critical Mass Baku" veloturu keçiriləcək. Habelə aksiyanın nümayəndələri müxtəlif moblarda iştirak edəcəklər.

Layihə saat 22:00-da başa çatacaq. Bu aksiya "Yer saatı" ("Earth Hour 2015") beynəlxalq kampaniyası çərçivəsində martın 28-də dünyanın müxtəlif bölgələrində olacaq. Bir milyarddan çox insan iqlim dəyişikliyinə qarşı həmrəylik nümayiş etdirmək üçün birləşəcək. Bu, Ümumdünya Vəhşi Təbiət Fondunun (WWF) hər il keçirdiyi beynəlxalq tədbirdir. 2011-ci il martın 26-da Bakının rəmzi olan Qız Qalasında və İçərişəhər Dövlət Tarix-Memarlıq Qoruğunda bir saat ərzində işıqlar söndürülüb. Azərbaycan bu qlobal kampaniyanı dəstəkləyən ölkələrin sırasına daxil olub.