Məktəbdən məktəbə şagird köçürülməsi, şagird yerdəyişməsi üzrə qeydiyyat müvəqqəti olaraq dayandırılıb.

Bu barədə Axar.az-ın sorğusuna cavab olaraq Təhsil Nazirliyindən bildirilib. Qeyd edilib ki, Nazirlər Kabinetinin 01 may 2020-ci il tarixli sərəncamına əsasən, yeni növ koronavirus (COVİD-19) infeksiyasının yayılmasının qarşısının alınması məqsədilə 2020-ci il mayın 4-dən mayın 31-dək Azərbaycan Respublikasının ərazisində fəaliyyət göstərən bütün təhsil müəssisələrində tədris, təlim-tərbiyə prosesinin dayandırıldığını nəzərə alaraq, şagird yerdəyişməsi (sy.edu.az) portalında qeydiyyat müvəqqəti bağlanıb:

“Karantin rejimi yenidən uzadıldığından yerdəyişmə portalının vətəndaşlar üçün fəaliyyəti müvafiq olaraq bağlı qalmaqdadır. Açılması üçün gözlənilən tarix 1 avqust nəzərdə tutulur”.