2020.07.01 - 19:12

Rusiyada səsvermədə iştirak edənlərin 74,18 faizi Konstitusiyaya düzəlişləri dəstəkləyir.

Axar.az Rusiya Mərkəzi Seçki Komissiyasına istinadən xəbər verir ki, iyulun 1-də günün birinci yarısınadək səs verən Rusiya vətəndaşlarının 74,18 faizi Konstitusiyaya düzəlişləri dəstəkləyib, 24,69 faizi isə düzəlişlərin əleyhinədir. Ölkə üzrə səsvermə hüququ olan vətəndaşların 60 faizdən çoxu artıq səs verib.

Xatırladaq ki, Rusiyada Konstitusiyaya düzəlişlərə dair səsvermə keçirilir. Əvvəlcə səsvermə aprelin 22-ə təyin edilmişdi. Sonradan koronovirus pandemiyası ilə əlaqədar səsvermənin tarixi dəyişdirilərək iyulun 1-nə keçirildi.

***

Rusiyada Konstitusiyaya düzəlişlər üzrə səsvermə yekunlaşıb.

Kalininqraddakı sonuncu seçki məntəqələri da artıq bağlanıb.

***

Rusiyada keçirilən seçkilərin nəticələri ilə bağlı ekzit-pollun ilkin nəticələri bəlli olub.

Rusiyalıların 71,2 faizi ölkənin ali qanununa dəyişiklikləri dəstəkləyib. Səs verənlərin 28,3 faizi bu dəyişikliklərə qarşı çıxıb.

Mərkəzi Seçki Komissiyasının məlumatına görə, hazırda protokolların 30 faizi hesablanıb. Nəticədə səs verənlərin 74,1 faizinin dəyişikliklərə tərəfdar olduğu müəyyən edilib.

Seçici fəallığı təxminən 65 faiz təşkil edib.