Gürcüstanın Marneuli rayonunun meri Zaur Darğallı sentyabrda vəzifəsini tərk edəcək.

Axar.az Report-a istinadən xəbər verir ki, buna səbəb onun hakim Gürcü Arzusu Partiyasından parlament seçkilərinə namizəd kimi qatılmasıdır.

Partiyadan qeyd olunub ki, majoritar deputatlığa namizəd olan bəzi yüksək vəzifəli şəxslər avqustun 1-də, digər vəzifəlilər isə seçki kampaniyası başlayan kimi istefa verəcəklər.

Qeyd edək ki, qonşu ölkədə parlament seçkiləri oktyabrın 31-də keçiriləcək. Seçki kampaniyasına isə sentyabrda start veriləcək.

Z.Darğallı deputatlığa Marneuli-Qardabani dairəsi üzrə irəli sürülüb. O, ötən ilin mayından Marneulinin meridir.