Milli Məclisin Mədəniyyət komitəsinin sədri Qənirə Paşayeva son 1 həftədə 300-ə yaxın vətəndaşla onlayn qaydada görüntülü danışıb.

Axar.az xəbər verir ki, Qənirə Paşayeva onların müraciətlərini, qayğılarını dinləyib, geniş fikir mübadiləsi aparıb və problemlərinin həlli istiqamətində bir sıra qurumlarla, təşkilatlarla müzakirələr aparıb.

Eyni zamanda millət vəkilinin köməkçisi tərəfindən 200-dən çox müraciət dinlənilib. Qənirə Paşayeva həmin məsələlər barədə də aidiyyəti qurumlara müraciətlər edib. Müraciətlərin bir hissəsi öz müsbət həllini tapıb. Bəzi vətəndaşların müraciətləri ilə bağlı isə millət vəkili rəsmi müraciətlər göndərib.