Bakıda daha bir falçının dələduzluq əməlləri araşdırılır.

Axar.az-a daxil olan məlumata görə, hüquq-mühafizə orqanlarında vətəndaşların şikayəti əsasında falçı Adil adlı özünü estrasens kimi təqdim edən şəxsin fəaliyyəti təftiş olunur. Ekstrasens, teleaparıcı İlham Mirzəyev və baxıcı Sabir Abbasovun (həzrəti Sabir) həbsindən sonra falçı Adilin də məsuliyyətə cəlb olunması istisna edilmir. Onun bir seansı 15-20 manatdır.

Adilin Binəqədi ərazisində yaşadığı və evində baxıcılıqla məşğul olduğu bildirilir.

Qeyd edək ki, deputat Zahid Oruc falçıların həbsinə az qaldığını demişdi: "Televiziyaların efirindəki biabırçılıqlar yığışdırılmalıdır. İlham Mirzəyevin yanına gedəcək çoxlu insanlar var və onların əksəriyyəti də ekranlardadır. Hüquq-mühafizə orqanları onlara qarşı əməliyyat keçirməlidir".