Cəlilabadda iki yanğın hadisəsi baş verib.

Axar.az Fövqəladə Hallar Nazirliyinin mətbuat xidmətinə istinadən xəbər verir ki, Cəlilabad rayonu, Yusifli kəndində (rayon mərkəzindən 48 km aralı) vətəndaşa məxsus ümumi sahəsi 126 kv.m olan birmərtəbəli 2 otaq və aynabənddən ibarət evin yanar konstruksiyaları yanıb. Evə bitişik ümumi sahəsi 40 kv.m olan köməkçi tikili yanğından mühafizə olunub.

Yanğın saat 03:40-da yanğınsöndürənlər tərəfindən söndürülüb.

***

Cəlilabad şəhərində həmçinin vətəndaşa məxsus ümumi sahəsi 132 kv.m olan şirniyyat sexinin dam örtüyünün yanar konstruksiyaları 6 kv.m sahədə yanıb. Sexin qalan hissəsi və bitişik digər obyektlər yanğından mühafizə olunub.

Yanğın saat 04:06-da yanğınsöndürənlər tərəfindən söndürülüb.