Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
24 Sentyabr 2020


Konsulumuz yəhudi komitəsinin üzvləri ilə görüşdü

Ana səhifə Toplum
12 Punto 14 Punto 16 Punto 18 Punto

Azərbaycanın Los Ancelesdəki baş konsulu Nəsimi Ağayev Amerika Yəhudi Komitəsinin üzvləri ilə görüşüb.

Baş Konsulluqdan Axar.az-a verilən məlumata görə, ABŞ-ın və dünyanın ən nüfuzlu yəhudi təşkilatlarından olan Amerika Yəhudi Komitəsinin (AYK) Los Anceles nümayəndəliyinin dəvəti ilə Azərbaycanın Los Ancelesdəki baş konsulu və Los Anceles Konsulluq Korpusunun duayeni (sədri) Nəsimi Ağayev 11 avqust 2020-ci il tarixində həmin təşkilatın rəhbər şəxsləri, eləcə də onun gənclər qanadı olan ACCESS-in üzvləri ilə keçirilən video-konfransda Azərbaycana dair təqdimatla çıxış edib.

Baş konsul çıxışında ölkəmizin müstəqillik tarixi haqqında ətraflı məlumat verərək, 1918-ci ildə Azərbaycan xalqının tariximizin ilk respublikası olan Azərbaycan Demokratik Respublikasını (ADR) yaratdığını və bu respublikanın müsəlman dünyasında ilk dünyəvi və demokratik dövlət, eləcə də qadınlara səsvermə hüququ verən ilk müsəlman ölkəsi kimi tarixə düşdüyünü qeyd edib.

Azərbaycanda mövcud olan dinlərarası harmoniya, qədim tolerantlıq və multikulturalizm ənənələri haqda ətraflı məlumat verən N.Ağayev əhalisinin əksəriyyəti müsəlman olan ölkəmizdə İslam dini ilə yanaşı, xristian, yəhudi və digər dinlərə mənsub insanların qarşılıqlı anlaşma, mehriban qonşuluq və əmin-amanlıq şəraitində yaşadıqlarını diqqətə çatdırıb.

Baş konsul Azərbaycanın İsrail, eləcə də AYK ilə müxtəlif sahələrdə uğurlu əməkdaşlıq əlaqələrinin mövcud olduğunu və bu əlaqələrin yüksək səviyyəli qarşılıqlı səfərlərin həyata keçirilməsi ilə ilbəil daha da genişləndiyini bildirib.

Daha sonra N.Ağayev Ermənistan-Azərbaycan münaqişəsi, Ermənistanın ölkəmizə qarşı həyata keçirdiyi işğalçılıq və etnik təmizləmə siyasəti, Ermənistanın ən son hərbi təxribatı, habelə 21 iyul tarixində Los Ancelesdə radikal ermənilərin Azərbaycan icmasının üzvlərinə qarşı həyata keçirdiyi zorakılıqla bağlı ətraflı məlumat verib. O, AYK-nin həmin hadisədən dərhal sonra bu vəhşilikləri qətiyyətlə pisləməsini yüksək qiymətləndirdiyimizi, bunun Azərbaycan və yəhudi xalqlarının tarixən həm xoş, həm də çətin günlərdə daima bir-birilə göstərdiyi həmrəyliyə gözəl bir nümunə olduğunu vurğulayıb.

Təqdimatdan sonra baş konsul iştirakçıların suallarını cavablandırıb.

Tarix
2020.08.13 / 09:39
Müəllif
Axar.az
Şərhlər
Digər xəbərlər

Ali məktəblərə qəbul imtahanının nəticələri elan olundu

PKK terrorçuları Qarabağda - Tarixi video

Təxribat törədən səhifələr: Onları tanıyın... - Foto

225 obyektdə pozuntular aşkarlandı - Nazirlik

"Bakı Bus" tender elan etdi: 500 minlik geyim alır

Sumqayıtın bu hissəsini su basdı - Foto

Teledərslərin sabaha olan - Cədvəli

3 şəhərimiz UNESKO-nun şəbəkəsinə üzv seçildi

Prezident və xanımı Balaxanıda - Fotolar

Daha 7 şagirddə koronavirus aşkarlandı

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla