“SpeysX” beynəlxalq telekommunikasiya xidmətləri göstərmək üçün ABŞ Federal Rabitə Komissiyasından (FCC) təsdiq alıb.

Axar.az xəbər verir ki, bu barədə “Notebook Check” məlumat yayıb.

Məlumata görə, əsas məqsəd standart smartfonların birbaşa peyklərə qoşulmasını təmin etməklə əhatə dairəsindəki boşluqları aradan qaldırmaqdır.

"Starlink Mobil"in əsas üstünlüklərindən biri qlobal rouminq imkanı olmağıdır. Geniş peyk şəbəkəsi sayəsində vahid mobil tarif planı nəzəri cəhətdən dünyanın istənilən nöqtəsində sabit və yüksək sürətli əlaqəni təmin edə bilər.

“SpeysX” həmçinin 150 Mbit/s-dək yükləmə sürəti təmin edən və kosmosda yerləşən 5G baza stansiyaları kimi fəaliyyət göstərəcək yeni nəsil peyklər vasitəsilə xidmətin imkanlarını genişləndirməyi planlaşdırır.