Axar.az
Yuxarı

Axar.Az Logo

Başçının töhmət aldığı tikinti necə olacaq?

Ana səhifə Toplum
12 Punto 14 Punto 16 Punto 18 Punto

Yasamal rayon icra başçısının töhmət almasına səbəb olan tikinti ilə bağlı sənədləşmə aparılır.

Axar.az-ın əldə etdiyi xəbərə görə, İbrahim Mehdiyevə verilən töhmətdən sonra "Lake Residence" MMC tikinti işlərini həyata keçirmək üçün icazə sənədi almağa çalışır. Sənədləşmə işləri müsbət həllini tapdıqdan sonra qurudulmuş gölün yerində abadlıq işləri görüləcək, park salınacaq, sakinlərin istirahəti üçün şərait yaradılacaq. Bu məsələlər artıq razılaşdırılıb.

Qeyd edək ki, Bakı Şəhər İcra Hakimiyyəti tərəfindən aparılan araşdırma zamanı "Lake Residence" MMC tərəfindən tikinti işlərinin aparılması üçün müvafiq icazə sənədi alınmadığı müəyyən edilib. Yasamal rayonu, 593-cü məhəllə, General Akim Abbasov küçəsi, 25 saylı ünvanda qanunsuz olaraq tikinti işlərinin aparılmasına başlanılmışdı və həmin ərazidə mövcud olan gölün bir hissəsinin tikinti qırıntıları ilə doldurulması həyata keçirilmişdi.

Bununla əlaqədar MMC rəhbərliyinə xəbərdarlıq edilmiş, orada aparılan qanunsuz tikinti işlərinin ləğv edilməsi, gölün doldurulmuş hissəsinin təmizlənməsi və ətrafda əhalinin istirahətinin mənalı təşkili üçün ərazidə yüksək səviyyədə abadlaşdırma işlərinin öz vəsaiti hesabına həyata keçirilməsi tapşırılmışdı.

Tikintiyə müvafiq icazə sənədi olmadan aparılan tikinti işlərinin qarşısının vaxtında alınmaması və bu istiqamətdə işlərin yüksək səviyyədə həyata keçirilməsində nöqsanlara yol verdiyinə görə Yasamal icra başçısına da Bakı meri Hacıbala Abutalıbov tərəfindən töhmət verilmişdi.

Tarix
2015.04.20 / 14:07
Müəllif
Emin Aslanlı
Şərhlər
Digər xəbərlər

Şəmkirdə toy keçirənlər cərimələndi

Bu halda 190 manatla bağlı artım ola bilər

Xocavənddə subartezian quyusu qazılacaq

Ramin Bayramlı iclas keçirdi

Bakıda məktəbdən avtomat oğurlandı

Fransanın siyasi elitası İrəvana gəlir

İlham Əliyev sərəncam imzaladı

Bakıda güclü külək əsəcək – Xəbərdarlıq

Deputatdan təklif: Polislərin maaşı artırılsın!

Bakıda I sinfə qəbulla bağlı yenilik

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla