Bakıda yeni möhtəşəm hava limanı fəaliyyətdədir.

Axar.az-ın əməkdaşı Heydər Əliyev adına Beynəlxalq Hava Limanının yeni aerovağzal kompleksində olub. Müxbirimizin müşahidələrinə görə, yeni aerovağzalda keçid sistemi və prosedura daha müasir, sadələşdirilmiş formadadır.

Əvvəlki aerovağzalda terminallar ayrı-ayrı idi, pasport yoxlaması ilə mühafizənin yoxlaması yuxarı-aşağı mərtəbələrdə yerləşirdi. Bilet satışı başqa istiqamətdə təşkil olunurdu. Yeni aeroportda isə giriş qapısından yoxlayıb içəri buraxırlar, çantalar paketlənir, biletlər qeydiyyata alınır və yuxarı mərtəbəyə keçid olunur.

Onu da eyək ki, yeni mühafizə xidməti təşkil olunub, Avropa Oyunlarının loqosu, tanıtım reklamları da yerləşdirilib.

Yeni aerovağzal kompleksi ildə 6 milyonadək sərnişinə xidmət edə bilir. Kompleksin ümumi sahəsi 65 min kvadrat metr təşkil edir. Üçbucaqşəkilli bina 4 mərtəbədən ibarətdir. Kompleksin terminalında 18 eskalator və 20 sərnişin lifti fəaliyyət göstərir.