Axar.az
Yuxarı

Axar.Az Logo

İstanbulun mərkəzində Azərbaycan bayrağı - Foto

Ana səhifə Toplum
12 Punto 14 Punto 16 Punto 18 Punto

Türkiyə Cümhuriyyətinin yaranmasının 97-ci ildönümü bütün respublikada olduğu kimi, İstanbulda da böyük təntənə ilə qeyd olunur.

Axar.az xəbər verir ki, bayram münasibətilə İstanbulun Taksim meydanında yerləşən “Cümhuriyyət Abidəsi” ziyarət olunub, qarşısına əklillər düzülüb. Taksim meydanında Azərbaycan və Türkiyənin böyük bayraqları dalğalandırılıb.

Şəhərin yeni istifadəyə verilən televiziya qülləsi iki qardaş ölkənin bayraqlarının rəngində işıqlandırılıb.

Bayram münasibətilə İstanbul Valiliyində mərasimi təşkil olunub.

Tədbirdə çıxış edən İstanbul valisi Ali Yerlikaya Türkiyə Respublikasını XX əsrdə yoxsulluğa rəğmən, gözünü qırpmadan, qorxmadan cəbhəyə atılan, ölkəyə inanan əcdadların ən böyük zəfəri adlandırıb. O deyib:

“Bu, kədərdə və sevincdə bir olan millətimizin əsəridir. 1923-cü il oktyabrın 29-da Atatürk tərəfindən Türkiyə Cümhuriyyəti elan ediləndən bəri hər gün biz hamımız Cümhuriyyətik”.

İstanbulun Pendik Bələdiyyəsi tərəfindən bu əlamətdar gün münasibətilə təşkil olunan tədbirdə xüsusi hazırlanmış 97 metrlik Türkiyə bayrağı ilə yanaşı, böyük Azərbaycan bayrağı da açılıb. Pendikin Gənclər Millət Bağçasında təşkil olunan tədbirdə qardaş Azərbaycana dəstək şüarları səsləndirilib.

Bayram şənlikləri çərçivəsində 1940-1070-ci illər istehsalı olan klassik avtomobillərdən ibarət karvan İstanbulun mərkəzi küçələrində dolaşıb. Bununla yanaşı, şəhərin Üsküdar Velosiped Peloton İdman Klubunun təxminən 50 üzvü səhər saatlarında bir araya gələrək Üsküdar meydanında velosiped yürüşü təşkil ediblər. Tədbir Üsküdar Bələdiyyəsi tərəfindən təşkil olunub.

Bu il ilk dəfə olaraq İstanbulun adalar bölgəsindən başlayaraq hər nöqtəsində bayram şənlikləri və konsert proqramları təşkil olunub. Bu tədbirlər İstanbul Böyükşəhər Bələdiyyəsinin rəsmi internet hesabları vasitəsilə canlı yayımlanıb.

Türkiyə Respublikasının yaranma tarixi və Cümhuriyyətin banisi Mustafa Kamal Atatürkün həyat yolunu əks etdirən “Kamal” teatr tamaşası oktyabrın 22-dən 30-dək tamaşaçılara təqdim edilir.

Oktyabrın 29-da İstanbulun bütün nəqliyyat vasitələri, o cümlədən gəmilər gücləndirilmiş iş rejimində fəaliyyət göstərib.

Bu bayram yalnız böyük şəhərlərdə deyil, Türkiyənin hər bir bölgəsində böyük təntənə ilə qeyd edilir.

Tarix
2020.10.30 / 09:06
Müəllif
Axar.az
Şərhlər
Digər xəbərlər

Mağazadan 1800 manat oğurlandı

Ermənilərin Ağdamda daha bir vəhşiliyi - Foto

Qarabağa qayıdan ermənilərin – Son sayı

Deghatinin təqdimatında Kəlbəcər - Füsunkar görüntü

Bakıda sürücü piyadanı vuraraq öldürdü

Evini tərk edən korona xəstəsi saxlanıldı - Foto

Bakıda göydələndə yanğın: sakinlər təxliyə olundu

Prezidentə yazırlar: Xalqımızın yenilməzliyini sübut etdiniz

Hər il bir neçə direktor buna görə işdən çıxarılır - Nazir

Sumqayıtda hazırlıq kursunun direktoru həbs edildi

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla