44 gün yalan danışdıqları kimi, bu gün də yalan danışırlar.

Axar.az Trend-ə istinadən xəbər verir ki, bu barədə Ermənistan Silahlı Qüvvələri Baş Qərargahının keçmiş rəisi, general-polkovnik Movses Akopyan bildirib.

M.Akopyan Ermənistana məxsus PUA-ların vurulduğu və Su-30-un yararsız olması barədə əvvəlki açıqlamasına cavab olaraq deyib:

"44 gün yalan danışdıqları kimi bu gün də yalan danışırlar. Elədirsə, ilk sual: niyə uçmadılar? Bu 62 PUA vurulubsa, bunu necə hesabladılar və hava məkanı niyə qorunmadı? Onları dəqiq kim vurdu və bu PUA-lar haradadır?"

M.Akopyan qeyd edib ki, Baş nazir Nikol Paşinyan Rusiyaya gündə bir neçə dəfə zəng edirdi, lakin oktyabrın 30-a qədər komək istəmədi:

"Daha çox təfərrüat lazımdırsa, Baş nazirin niyə kömək istəmədiyi barədə dediklərini deyə bilərəm, amma deməyəcəm".