Mayın 10-da Bakının bəzi prospektlərində nəqliyyatın hərəkəti məhdudlaşdırılacaq.

Axar.az Baş Dövlət Yol Polisi İdarəsinin mətbuat xidmətinə istinadən xəbər verir ki, Azərbaycan xalqının ümummilli lideri Heydər Əliyevin xatirəsinə həsr olunmuş "Tour d`Azerbaidjan-2015" beynəlxalq velosiped turunun 5-ci mərhələsinin keçirilməsi ilə əlaqədar paytaxtın Neftçilər, Zərifə Əliyeva, Parlament, Bülbül, İnşaatçılar prospektlərində, habelə Rəşid Behbudov, Əziz Əliyev, İstiqlaliyyət, Niyazi, Sona xanım Vəlixan, Lermontov, Teymur Elçin, Mehdi Hüseyn, Hüseyn Cavid, Abbasqulu ağa Bakıxanov, Səməd Vurğun, Şəmsi Bədəlbəyli, Üzeyir Hacıbəyov və Rixard Zorge küçələrində nəqliyyat vasitələrinin hərəkəti mayın 10-da saat 10:30-dan 14:30-dək fasilələrlə məhdudlaşdırılacaq.