Qeyri-sabit hava şəraitində "Azərişıq" ASC-nin Qəza xidməti 24 saat fasiləsiz iş başında olub.

Axar.az xəbər verir ki, bu barədə ASC-nin yaydığı məlumatda deyilir.

“Ən ucqar dağlıq ərazilərdə belə qarlı şaxtalı havada abonentlərimizə xidmətdən qürur duyuruq!”, - deyə açıqlamada bildirilir.

Qeyd edək ki, Milli Hidrometeorologiya Departamentinin yaydığı məlumata görə, yanvarın 19-dan 21-dək ölkə ərazisində hava şəraitinin qeyri-sabit keçib. Bu səbəbdən gücləndirilmiş iş rejimində çalışan “Azərişıq” ASC-də əlavə tədbirlər görülüb. Məsələ ilə əlaqədar ASC rəhbərliyinin tapşırığı ilə gücləndirilmiş iş və növbətçilik sistemi təşkil olunub. Ərazilərə əlavə mal-material və maşın-mexanizmlərin cəlb edilməsi ilə bağlı tapşırıq verilib. Regionlarda da növbətçilik yaradılıb. Müraciətlərin sayının artması ehtimalını nəzərə alaraq 199 saylı Çağrı mərkəzi də gücləndirilmiş iş rejimində çalışıb.