Moskvada Xocalı faciəsi qurbanlarının xatirəsinə həsr olunmuş gecə keçirilib.

Axar.az xəbər verir ki, Heydər Əliyev Fondunun Rusiya nümayəndəliyi və Azərbaycanın Rusiya Federasiyasındakı səfirliyi tərəfindən təşkil olunan gecəni səfir Polad Bülbüloğlu açıb.

Səfir qeyd edib ki, bu gün uzun illərdən bəri ilk dəfə olaraq, Azərbaycan xalqı bu günü xüsusi hiss ilə qeyd edir:

“Biz bunu igid ordumuzun cəsur oğulları, güclü və müdrik Ali Baş Komandanın rəhbərliyi sayəsində çoxdan gözlənilən qələbəni qazanan qalib xalq kimi qeyd edirik. Biz bu gün gələcəyə inamla baxırıq, çünki bütün dünya bizim nə qədər güclü və müasir ordumuzun, əsgər və zabitlərimizin mənəviyyatının nə qədər yüksək olduğuna, Prezidentimiz və Ali Komandirimiz İlham Əliyevin iradəsinin nə qədər güclü və sarsılmaz olduğundan əmindir”.

Onun sözlərinə görə, bu müharibə bizə düşmən tərəfindən işğal olunmuş əraziləri qaytarmaqla yanaşı, şərəf və ləyaqətimizi qaytardı və çoxmillətli Azərbaycan xalqını birləşdirdi:

"Azərbaycanda yaşayan bütün etnik qrupların nümayəndələri - ruslar və ləzgilər, yəhudilər və tatlar, avarlar və udinlər, saxurlar və ukraynalılar, tatarlar və gürcülər öz vətənləri, böyüyüb başa çatdıqları torpaqlarda uşaqlarının gələcəyi və valideynlərinin sülh içində yaşamaları naminə mübarizə aparıblar".