Qafqaz Müsəlmanları İdarəsi (QMİ) Həcc ziyarəti ilə bağlı Səudiyyə Ərəbistanından hələ də rəsmi bildiriş almayıb.

Axar.az xəbər verir ki, bu barədə QMİ-dən məlumat yayıb. Qurumdan bildirilib ki, rəsmi bildirişin yaxın günlərdə gələcəyi gözlənilir:

"Fevralın 18-də yaydığımız məlumatda da qeyd etdiyimiz kimi, Səudiyyə Ərəbistanından Həcc ziyarəti ilə bağlı konkret qərar olmalıdır, yəni ziyarətin keçirilib-keçirilməyəcəyi barədə dəqiq məlumat verilməlidir. Bu, mart ayının əvvəlində elan ediləcək".

Qeyd edək ki, Səudiyyə Ərəbistanı Həcc ziyarətinə getmək üçün zəvvarların koronavirusa qarşı peyvənd olunmasını bir məcburi şərt kimi müəyyən edib.