Xaricdən alış-veriş zamanı 300 dollar limitin artırılması ilə bağlı dəfələrlə çıxışlar edilib.

Axar.az xəbər verir ki, bu sözləri Dövlət Gömrük Komitəsinin sədri Səfər Mehdiyev bu gün keçirilən mətbuat konfransında deyib.

“Bu qərara qədərki dövrdə elektron ticarət vasitəsilə edilən sifarişlərin demək olar ki, 85 faizi 300 dollar limiti keçmir. Bu gün uzaq regiondakı rəqəmlərlə müqayisə etsək, ay ərzində 4 nəfərlik ailə 1200 dollar həcmində sifariş edə bilər. Əgər hökumət qərarda limiti dəyişərsə, bizim işimiz bunu icra etməkdir. Bu gün yeni elektron tətbiq nəticəsində məlum olur ki, vətəndaşın adına başqası məhsul sifariş edib. “Smart Customs” tətbiqi nəticəsində belə dələduzluqlar aradan qaldırılacaq. Bu gün yüksək səviyyədə xidmət qurulur. Mobil tətbiqimizin əsas özəyi problemləri aradan qaldırmaqdır.

60-a yaxın daşınma şirkəti müraciət edib, 57-ni qeydiyyatdan keçirmişik”.