11:07

Bu gün Qırğızıstanda konstitusiyanın dəyişdirilməsi üzrə referendum və yerli hakimiyyət orqanlarına seçkilər keçirilir.

Axar.az xəbər verir ki, ölkə üzrə 2483 məntəqə fəaliyyət göstərir, yerli şuralara seçkilər 448 şəhər və kənddə keçirilir. Siyahılara səs hüququ olan 3,6 milyon seçicinin adı salınıb.

Bildirilir ki, seçkilər seçicilərin 30 faizdən çoxunun səs verəcəyi halda etibarlı sayılacaq.

Səhər saatlarında Qırğızıstan Prezidenti Sadır Japarov xanımı ilə Bişkekdəki məntəqələrin birində səs verib.

Ölkənin Baş naziri Uluqbəy Maripov vətəndaşları seçki prosesində aktiv iştirak etməyə çağırıb.

***

Qırğızıstanda bülletenlərin 80,5 faizindən çoxu artıq sayılıb.

Hazırki nəticəyə əsasən seçicilərin 78 faizindən çoxu konstitusiya dəyişikliyinin lehinə, 12 faizi isə əleyhinə səs verib.

***

Bülletenlərin 90 faizi sayılıb. Bu nəticələrə əsasən, seçicilərin 79,91 faizi konstitusiya dəyişikliyinin lehinə, 13,68 faizi isə əleyhinə səs verib.