Ölkəmizdə istifadə olunan hər bir vaksin təhlükəsiz və effektivdir. May ayının 10-dan etibarən 18 yaşdan yuxarı vətəndaşlar vaksinasiya prosesinə qatıla bilərlər.

Axar.az xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində səhiyyə nazirinin birinci müavini, nazir əvəzi Teymur Musayev deyib. O qeyd edib ki, vaksinasiyadan sonra qısa müddətdə normal həyata qayıda bilərik:

"18 yaşdan yuxarı hər bir vətəndaşı vaksinasiya kampaniyasına qatılmağa çağırıram. Əzizlərinizin, doğmalarınızın həyatını düşünərək, cəmiyyətin normal həyata qayıdışını vaksinasiya ilə təmin edə biləcəksiniz".

T.Musayev peyvənd olunmağın digər qoruyucu vasitələrdən imtina etməyə icazə vermədiyini də bildirib.