Bakı Şəhər üzrə Təhsil İdarəsinin tabeliyində olan təhsil müəssisələrində aparılan əsaslı və cari təmir işləri ilə əlaqədar 12 orta məktəbin şagirdləri üçün distant təhsil davam edəcək.

Axar.az xəbər verir ki, Bakı Şəhər üzrə Təhsil İdarəsindən Baku.vs-yə təmir işləri bitənə qədər adı çəkilən məktəblərdə dərslərin onlayn davam edəcəyi bildirilib. Əgər işlər tez yekunlaşarsa, əyani tədris bərpa olunacaq.

Sözügedən məktəblər 322, 106, 269, 17, 95, 114, 299, 137, 126, 71, 307 və 146 saylı orta məktəblərdir.

Qeyd edək ki, bu gündən Bakı, Sumqayıt, Gəncə, Şəki şəhərləri və Abşeron rayonunda yerləşən ümumi və məktəbdənkənar təhsil müəssisələrində əyani tədris qismən bərpa edilib.