Ana səhifə Toplum |
"Həccə gedib-gəlmiş insanın spirtli içki qəbul etməsi düzgün deyil. Bildiyiniz kimi, şərab Qurani-Kərimin haram buyurduğu içkidir. Ona görə də Həccə gedən insan xüsusilə diqqətli olmalıdır. Əks halda, açıq-aşkar günah etməklə insanların dinə olan etimadını zəiflədərək, inanclı insanların bədbinliyinə, inamsızlığının yaranmasına səbəb olar. Həmçinin, içki içənlərin hacılığı sual altına düşür".
Axar.az xəbər verir ki, bunu Modern.az-a Məşədi Dadaş Məscidinin imam-camaatı Hacı Şahin Həsənli son zamanlar bu titulu daşıyanlara olan fərqli münasibətin səbəblərini şərh edərkən deyib.
Ş.Həsənli "hacı"ların içki məclislərində iştirakını, həmçinin spirtli içki qəbul etməsinin yolverilməz olduğunu diqqətə çatdırıb:
"Həcc ziyarətinə gedən insanlar xeyriyyəçi əməllərindən çəkinməməlidirlər. Ümumiyyətlə, hacılar xeyriyyəçi insanlar olmalıdır. Onlar xalqına, ehtiyacı olanlara yardım edə, kiminsə təhsil haqqını ödəyə bilərlər və s. Yəni bu ayrı bir vəzifə, həcc ayrı bir vəzifədir. Bunları qarışdırmaq isə doğru deyil.
Bəzən müxtəlif insanlar bir ildə bəlkə də hər ay dincəlmək üçün böyük vəsait sərf edərək, səfərlərə gedir. Nədənsə o zaman "gəzməyə getməyim, yardım edim" deyə düşünmürlər. Amma Həcc ziyarətindən söhbət düşəndə, Həcc xərcinin ehtiyacı olanlara yönəldilməsi məsələsi qabardılır, etiraz etməyə başlayırlar. Həccə getmək o demək deyil ki, insan bütün var-dövlətini xərcləməlidir. İnsan yardım da edə bilər, ziyarətə də gedə bilər. Bunlar bir-birinə zidd deyil".
Tarix
2015.06.23 / 16:45
|
Müəllif
Emin Aslanlı
|