Meksikanın dünyada ən çox tanınmış xoreoqraf və aktrisası, məşhur kastanyet ifaçısı, prima balerina, çoxsaylı ali beynəlxalq mükafatların sahibi, iki dəfə Azərbaycanda konsert proqramı ilə çıxış etmiş Sonia Amelio Müstəqilliyin Bərpasının 30 illiyi və Zəfər Günü münasibətilə Azərbaycan xalqına təbrik videomüraciəti ünvanlayıb.

Axar.az xəbər verir ki, Azərbaycanın Meksikadakı Səfirliyindən "Cinema Radio"ya daxil olan müraciətdə S.Amelio qeyd olunan əlamətdar tarixlərlə və Azərbaycanın əldə etdiyi yüksək nailiyyətlərlə bağlı xalqımıza səmimi təbriklərini çatdırıb.

Daha öncə iki dəfə Bakıda səhnəyə çıxmış məşhur meksikalı sənət ustası həmin konsertlər sayəsində Azərbaycana qarşı duyduğu dərin heyranlıq hissinin daha da artdığını söyləyib.

Sonda xanım Amelio ölkəmizə olan sevgisini nümayiş etdirmək üçün bir daha Azərbaycana səfər etməyi və möhtəşəm və əfsanəvi Şuşa şəhərində çıxış etməyi ürəkdən arzuladığını deyib.