Avtobus dayanacaqlarında məlumatverici monitorların işləməməsi sərnişinlər üçün çətinlik yaradır. Bu, təkcə paytaxt Bakının deyil, Sumqayıt və ölkəmizin digər şəhərlərinin problemidir.

Axar.az xəbər verir ki, bu sözləri nəqliyyat üzrə ekspert Ərşad Hüseynov deyib.

“Həmin əraziləri tanımayan adamlar əziyyət çəkirlər. Dayanacaqlar sadəcə olaraq ya 5.12 nişanından, ya da pavilyondan ibarətdir. Tələblər isə fərqlidir. Dayanacaqlarda avtobus dayanacağını bildirən 5.12 nişanı, əlavə olaraq da ayrıca lövhə olmalıdır. Lövhədə dayanacaqdan hansı avtobuslar keçirsə, hamısı göstərilməlidir. Yaxşı olar ki, həmin lövhədə avtobusların başlanğıc və son dayanacaq nöqtələri də göstərilsin”, - ekspert bildirib.