İnternet üzərindən yemək satışı ilə məşğul olan şirkət rəhbəri Nevzat Aydın işçilərinin hərəsinə 200 min dollar verərək onları mükafatlandırıb.

Axar.az xəbər verir ki, 15 ildir fəaliyyət göstərən şirkət 589 milyon dollara almanlara satılıb. Şirkət rəhbəri Nevzat Aydın isə əldə etdiyi uğurlarda rolu olan işçilərini mükafatlandırıb və 114 işçinin hər birinə 200 min dollar verib.

Nevzatın sözlərinə görə, bu işçilər olmasaydı, onun şirkəti belə böyük nailiyyətlərə qazana bilməzdi. Məhz bu səbəbdən onları mükafatlandırmaq şərt idi:

"Bəziləri ağladı, bəziləri qışqırdı, bəziləri mənə minnətdarlıq məktubu yazdı. Bütün bu emosiyalar onu göstərir ki, mən insanların həyatına təsir göstərə bilmişəm. İndi onlar özlərinə ev və ya maşın ala bilərlər. Məncə, bu, düzgün addımdır. İmkanım olsaydı, onlara daha çox pul vermək istəyərdim".