Bakının N.Nərimanov rayonunda Aşıq Molla Cümə küçəsi bundan sonra Vətən Müharibəsi Qəhramanı Zaur Nudirəliyevin adını daşıyacaq.

Axar.az xəbər verir ki, artıq həmin ərazidə Zaur Nudirəliyevin adını daşıyan bildiriş lövhəsi Milli Qəhrəman Albert Aqarunovun heykəlinin yanında quraşdırılıb.

Qeyd edək ki, şəhid Z.Nudirəliyev Vətən müharibəsində Hərbi Hava Qüvvəllərinin pilotu kimi iştirak edib. Onun idarə etdiyi Su-25 təyyarəsi düşmənə sarsıdıcı zərbələr endirib. O, 2020-ci ilin oktyabrın 4-də Cəbrayıl uğrunda gedən döyüşlərdə şəhid olub.