Millət vəkili, Milli Məclisin Mədəniyyət Komitəsinin sədri Qənirə Paşayeva Azərbaycan Vətən Müharibəsinin şəhidi Feyruz Hacılının anası Həbibə xanımla görüşüb.

Axar.az xəbər verir ki, komitə sədri şəhidin anasını dinləyib, öz ürək sözlərini bölüşüb.

Vurğulanıb ki, şəhidimiz Azərbaycan Prezidentinin Sərəncamına əsasən “Vətən uğrunda”, həmçinin “Füzulinin azad olunmasına görə” və “Xocavəndin azad olunmasına görə” medalları ilə təltif edilib. Təhsil aldığı orta məktəbin və yaşadığı binanın önünə şəhidin xatirə lövhəsi vurulub.

Komitə sədri ailənin qayğıları ilə maraqlanıb.

Sonda millət vəkili şəhidin anasına Qarabağ motivli xatirə hədiyyəsi təqdim edib.