16:30

Türkiyənin milli aviadaşıyıcısı - Türk Hava Yolları şirkəti bu gün üçün İstanbul-Bakı (TK334) və Bakı-İstanbul (TK335) reyslərini ləğv edib.

Aviaşirkətdən Axar.az-a verilən məlumata görə, buna səbəb Türkiyədə hava şəraitinin uçuş üçün əlverişli olmamasıdır.

Qarşıdakı günlərdə nəzərdə tutulan aviareyslərlə bağlı isə heç bir dəyişiklik yoxdur. Sərnişinlər bu gün uçmaq üçün aldıqları biletləri başqa tarixə dəyişə və yaxud geri qaytara bilərlər.

***

İstanbulda əlverişsiz hava şəraiti (güclü qar) səbəbindən Azərbaycan Hava Yollarının (AZAL) İstanbul-Bakı reysi gecikir.

AZAL-dan bildirilib ki, hazırda reysin sərnişinləri sərnişin terminalının daxilindədir, qida və alkoqolsuz içki ilə təmin olunacaqlar.

İstanbul hava limanının icazəsi olan kimi təyyarə İstanbuldan yola düşəcək.