Axar.az
Yuxarı

Azərlotereya ASC şəhid övladları üçün təqaüd ayırdı

Ana səhifə Toplum
12 Punto 14 Punto 16 Punto 18 Punto

Haqq-ədalət savaşımızda şücaətlə döyüşərək bizə qələbə hissini yaşadan şəhidlərimizin ailələrinə dəstək olmağı özünə borc hesab edən Azərlotereya ASC bu istiqamətdə yeni sosial layihəyə start verir.

Axar.az xəbər verir ki, "Əmanətə sədaqət" devizinə əsaslanan “Azərlotereya” vətən uğrunda canlarından keçmiş Qarabağ müharibəsi şəhidlərinin övladlarının parlaq gələcəyi naminə onları təqaüdlə təmin edəcək.

Azərlotereya ASC-nin təhsil təqaüdü Türkiyənin dövlət ali təhsil müəssisələrinin tələbəsi olan şəhid övladlarının təhsil haqqı və yaşayış xərcləri, həmçinin Azərbaycanda ali təhsil alan şəhid övladlarının yaşayış xərclərinin qarşılanmasını nəzərdə tutur.

Azərbaycan Respublikası Təhsil Nazirliyi və “Zəfər” Şəhid Ailələrinə Dəstək İctimai Birliyinin birgə əməkdaşlığı ilə həyata keçiriləcək sosial layihə ilkin mərhələdə 32 nəfəri əhatə edəcək ki, onlardan 25-i Azərbaycanda, 7-si isə hazırda Türkiyədə təhsil alır.

Təhsilin tərəqqisinə yönələn layihələrə dəstək göstərməkdə maraqlı olan Azərlotereya ASC bu sferada Təhsil Nazirliyi və və “Zəfər” Şəhid Ailələrinə Dəstək İctimai Birliyi ilə əməkdaşlığa davam edəcək.

Məqsəd şəhid ailələrinin sosial müdafiəsi, onların rifah halının yaxşılaşdırılması istiqamətində dövlətin prioritet siyasətinə dəstək göstərmək, həmin ailələrin qayğı ilə əhatələnməsinə xidmət etməkdir. Ölkəmizin inkişafı naminə təhsilin önəmini nəzərə alaraq Azərlotereya ASC-nin təqaüd proqramı da şəhid övladlarının gələcəkdə uğurlu karyera qurmasında əhəmiyyətli rola malik olacaq.

Vətən müharibəsi dövründə hər kəsə şərəf və ləyaqət nümunəsi olan şəhidlərimizin ailələrini diqqət mərkəzində saxlamaq hər birimizin vətəndaşlıq borcudur. Bu məqsədlə onların sosial müdafiəsinə hesablanan layihələrin təşəbbüskarı kimi Azərlotereya ASC bundan sonra da hünərlik zirvəsi olan şəhid ailələrinə dəstək olmağa davam edəcək.

Qeyd edək ki, Azərlotereya ASC-nin təqaüd proqramı cari və növbəti illərdə Azərbaycanda və Türkiyədə ali təhsil almaq istəyən şəhid övladlarına da şamil olunacaq.

Tarix
2022.06.30 / 10:44
Müəllif
Axar.az
Şərhlər
Digər xəbərlər

Şəhidin ordeni ailəsinə təqdim edildi

Azərbaycanda peyvənd olunanların sayı açıqlandı

Baş prokuror Britaniya səfiri ilə səfirliyimizə hücumdan danışdı

“12-ci imam”a görə çənə sındıran saxta qazini kim himayə edir?

Ölkəmizdə koronaya yoluxanların sayı açıqlandı

Bank kartlarından pul oğurlayanlar tutuldu

Balakəndə yeni su mənbəyi yaradılır

Eldar Mansurovun oğluna MB-də vəzifə verildi

Əsgərin yanından qayıdan ailə qəzaya düşdü: ölən var

Dövlət Vergi Xidməti sahibkarlara müraciət etdi

KULT
Xəbər xətti
Axar.az'da reklam Bağla
Reklam
Bize yazin Bağla